Manzilo ki chinta hum nhii krte, hum to raston ka lutf uthate hai;
Agar than le man me karne ki, to aasman ko v chhu ke aa jate hai.
Izzat karte hai bado ki chhoto se pyar jatate hai;
Na hamare samne na hamare wajah se kisi ka sir jhuke bas yhii dua upar wale se dohrate hai.
Haste hai rote hai, kabhi tut ke bikhar jate hai;
Lekin uthte hai doguni takat se, bina thake har muskil se lad jate hai.
Man ki baat man me dabate hai, kabhi gusse me pagal ho jate hai;
Ladte hai apno se, apno se hi to pyar jatate hai.
Dekhte hai duniya ek alag najar se, to kabhi kisi ki duniya hi badal dete hai;
Umeedo ki potli apne sir pe sajate hai, to kabhi kisi ke jine ki umeed hi ban jate hai.
Bachpan me jab dar lagta tha, to maa ke aanchal me chhup jate hai;
Jab bade hote hai to usi aanchal ko apni takkat ka jariya bana lete hai.
Hum lehron se takrate hai, hum parwat chir dikhate hai;
Jab baat ho jaan bachane ki to hum parwat utha late hai, uhii nhii hum bhartiya kehlate hai.
Written by Ravi❤️