Hum kyo kaid hai ghar mein..?
Kya kabhi socha hai tumne..?
Bas chupa hai jawaab is sawaal mein...
Aakhir aisa kiya kya hai humne..?
Bas subah der se uthe the...
Nashta khaakar office bhaagte the...
Dosto se thoda mil lete the...
Aur kaam bhi poora kar lete the...
Fir shaam ko der se ghar aate...
Aur mobile lekar baith jaate...
Waqt na dete ghar walo ko...
Bas khana khaakar so jaate...
Aaj aisa time hai aaya...
Sabko saath mein fir se laaya...
Bhai ko bhai ki yaad hai aayi. ..
Nanand bhi ab toh naa lage paraai...
Subah savere uthe hai...
Sath mein yoga karte hai...
Nahaa-dhokar ab toh hum...
Rab ko yaad bhi karte hai...
Fir naashta karke saath mein...
Kuch gapshup bhi kar lete hai...
Ab to khana banaane mein...
Biwi ka bhi haath batate hai...
Na koi naukar, na koi bai...
Jhaadu ki ab toh, sab ki bari hai aayi...
Koi kapde dhota, koi bartan dhota...
Chaalu hai ab to ghar ki safai...
Kaam niptakar saath khana khate...
Fir ludo khelkar sab so jaate...
Shaam ki chai mein ab toh...
Sabke chehre hai khilkhilaate..
Fir saat baje sab milkar...
Rab ke geet gaate hai..
Na koi tension na koi fikar...
Bas apno mein hi kho jaate hai...
Sath khana khakar raat ka...
TV ka remote uthate hai...
Sab ko kehekar good night...
Fir apne rooms mein so jaate hai...
Ab kya difference aaya hai..?
Life mein humaari kya badlaav laya hai..?
Simti hui zindagi fir se kaise fail gai..?
Shayad is sawaal ki sabko ab samajh mil gai...