प्रेम म्हणजे..
प्रेम म्हणजे, प्रेम म्हणजे, नेमकं काय असतं,
प्यार, ईश्क, मोहब्बत, लव शब्द सारे भारदस्त.
प्रेम म्हणजे असतो का परस्परांकडे वाढलेला कल,
कोणाला करता येईल प्रेमातल्या भावनांची अचूक उकल?
प्रेम म्हणजे आहे का सदा सर्वदा येणारी आठवण,
का प्रेम म्हणजे छोट्या छोट्या खुशीच्या क्षणांची साठवण.
प्रेम म्हणजे सदा भेटीची ओढ?
का नकळत पणे साथीदाराची काढलेली खोड?
प्रेम म्हणजे जोडीदाराची केलेली अविरत काळजी,
का प्रेम म्हणजे जोडीदाराच्या खुशीसाठी होणे अप्रिय गोष्टीलाही राजी.
प्रेम म्हणजे तळमळत काढलेल्या विरहाच्या रात्री,
की प्रेम म्हणजे आजन्म सहवासाची दिलेली खात्री..
प्रेम म्हणजे, प्रेम म्हणजे असेल हेच सारं सारं,
तर माझ्यातही शिरलंय बहुदा प्रेमाचं वारं.
आजच्या दिवसाला साक्षी ठेवून करतो मी कबूल,
मलाही पडली आहे प्रेमाची भूल..
:- मोहित केळकर