प्रथम दर्शी प्रेमाच्या, किती त्या रसभऱ्या कथा. पण आपण रूपही धारण करण्यापूर्वीच, जी आपल्यावर प्रेम करते ती माता.. आपल्या जन्मा आधीपासूनच, जी आपल्यासाठी खाते खस्ता. चंदेरी दुनियेच्या लेखी, तिच्या प्रेमाचा भाव सस्ता.. आपल्याला कळण्याआधीच, जिला कळतात आपले विचार. थक्क करून सोडतो आपल्याला, आई नावाचा हा चमत्कार.. आई म्हणजे ईश्वरी आत्मा, आई म्हणजे ईश्वराचं धरतीवरचं रूप. तिच्या केवळ दर्शनाने म्हणूनच, तात्काळ येतो हुरूप.. आयुष्यात कितीही व्यस्त असलो तरी, आईसाठी सदा काढूया वेळ. आईच्या रूपाने भूतलावरच होतो आपला, साक्षात परमेश्वराशी मेळ..