Kuch dost humne bhi rakhe hai..

Kuch dost hamne bhi aise rakhe hai.. 

Jo band album ki photo se,

Jhak kar kabhi muskura dete hai,

To din sawar jaata hai.. 

Kuch dost hamne bhi aise rakhe hai.. 

Jo yaadon ki bheed main,

Kabhi nazar aa jate hai,

To maano khoya astitva fir laut aata hai..

Kuch dost humne bhi aise rakhe hai.. 

Jo beete waqat ke lamhon ki tarah, 

Zindagi ki kitaab main kahin darj reh gaye.. 

Kitab ka vo panna bhule nahi bhulata hai.. 

Kuch dost hamne bhi aise rakhe hai..

Jinke, hone bhar se hume, 

Dosti kya hai, iska arth, samajh aata hai!

Kuch dost hamne bhi aise rakhe hai..

-Mridul