ਸਹਿਣਸ਼ੀਲਤਾ
ਈਸ਼ਵਰ ਹੈ ਸਹਿਣਸ਼ੀਲਤਾ ਦਾ ਸਾਗਰ,
ਜੋਂ ਵਿਸ਼ਵਾਸ ਕਰੇ ਉਜਾਗਰ।
ਰਿਜ਼ਕ, ਸਿਦਕ ਜੇ ਦੇਵੇ ਰੱਬ,
ਤਾਂ ਹੀ ਸੰਭਵ ਹੋਵੇ ਸਭ।
ਮੰਨਿਆ ਕਿ ਸਹਿਣਸ਼ੀਲਤਾ ਹੈ ਜ਼ਰੂਰੀ,
ਬਿੰਨ ਇਸ ਦੇ ਨਾ ਪੈਂਦੀ ਪੂਰੀ।
ਕਹਿੰਦੇ ਜਿਸਨੂੰ ਸਹਿਣਾ ਆ ਗਿਆ,
ਉਸਨੂੰ ਰਹਿਣਾ ਆ ਗਿਆ।
ਪਰ ਸਹਿਣਸ਼ੀਲਤਾ ਨਾ ਹੁੰਦੀ ਕਦੇ ਮਜ਼ਬੂਰੀ,
ਨਾ ਹੀ ਹੁੰਦੀ ਇਹ ਜੀ ਹਜ਼ੂਰੀ।
ਪਰ ਕੁੱਝ ਸਮਝਣ ਇਸ ਨੂੰ ਮਜ਼ਬੂਰੀ,
ਜਿਸ ਨਾਲ ਬਣ ਜਾਂਦੀ ਦੂਰੀ।
ਰਿਸ਼ਤੇ ਹੋ ਜਾਂਦੇ ਤਾਰ-ਤਾਰ,
ਸਹਿਣਸ਼ੀਲਤਾ ਉੱਥੇ ਹੋ ਜਾਂਦੀ ਸ਼ਰਮਸਾਰ।
✍️ ਕਿਰਪਾ ਸ਼ਰਮਾ