इक कुड़ी जिहदा नाम मुहब्बत
गुम है गुम है गुम है!
साद मुरादी सुहणी फब्बत
गुम है गुम है गुम है
सूरत उसदी परीआं वरगी
सीरत दी ओह मरीअम लगदी
हस्स्दी है तां फुल्ल झड़दे ने
टुरदी है तां ग़ज़ल है लगदी
लम्म- सलम्मी सरू कद्द दी
उमर अजे है मर के अग्ग दी
पर नैणां दी गल्ल समझदी!
गुमियां जनम जनम हन होए...
गुमियां जनम जनम हन होए
पर लगदै जिउं कल दी गल्ल है
इउं लगदै जिउं अज दी गल्ल है
इउं लगदै जिउं हुण दी गल्ल है
हुणे तां मेरे कोल खड़ी सी।
हुणे तां मेरे कोल नहीं है
इह कील छल है है इह केही भटकण
सोच- मेरी हैरान बड़ी है
नज़र मेरी हर आउंदे जांदे
चिहरे दा रंग फोल रही है
ओस कुड़ी नूं टोल रही है
सांझ ढले बाज़ारां दे जद
मोड़ां ते खुशबो उग्गदी है
विहल, थकावट, बेचैनी जद
चौराहियां ते आ जुड़दी है
रौले लिप्पी तनहाई विच
ओस कुड़ी दी थुड़ खांदी है!
ओस कुड़ी दी थुड़ दिसदी है!
हर छिन मैनूं इउं लगदा है
हर दिन मैनूं इउं लगदा है
जुड़े जशन ने भीड़ां विचों