ನಾಡಿನ ಪುಣ್ಯದ ಪೂರ್ವ ದಿಗಂತದಿ ನವ ಅರುಣೋದಯ ಹೊಮ್ಮುತಿದೆ ! ಚಿರನೂತನ ಚೇತನಾಡುತ್ಸಾಹದಿ ನವೀನ ಜೀವನ ಚಿಮ್ಮುತಿದೆ ! ಅಭಿನವ ಮಧುಕೋಕಿಲ ಕಲಾಕಂಠದಿ ಸ್ವರಸುರ ಚಾಪಗಳುಣ್ಮುತಿವೆ ! ಶ್ಯಾಮಲ ಕಾನನ ಸುಮ ಸಮ್ಮೇಳದಿ ಇಂಚರ ಸಾಸಿರ ಪೊಣ್ಮುತಿವೆ! ಕಿವಿ ಕಣ್ಣಾಗುತಿದೆ ! ಕಾಣೆ ಕಿವಿಯಾಗುತಿದೆ ! ಭೂಮವ್ಯೋಮದ ನೀಲಾಂಗಣದಲಿ ಕೆಂದರೆಮುಗಿಲಿನ ರಂಗೋಲಿ ರಂಜಿಸುತಿದೆ ಹೊಳೆ ತೆರೆದುಚ್ಚಿತ್ತಿದ ಕೆಂಪಗೆ ನುನ್ಮಳಲನು ಹೋಳಿ ! ಹಿಮಾಮಣಿ ಸಿಂಚಿತ ತೃಣವಿಸ್ತಾರಡಿ ನೇಸರು ಕೀಡಿಬಳನೆಯ್ಯುತಿದೆ ವಿಹಂಗ ದಂಪತಿ ತರುಶಾಖಾಗ್ರದಿ ಪ್ರೇಮಾಲಾಪಾನೆಗೈಯುತಿದೆ ನವೀನಗಾನವ ಕೇಳಿ, ನಾಡಿನ ಪುಣ್ಯದ ಪೂರ್ವದಿಗಂತದಿ ನವೀನ ಜೀವನ ಚಿಮ್ಮುತಿದೆ !