टाट-टरड़ी-टोरड़ी
झोटी-लरड़ी-टोगड़ी
चिड़ी-कमेड़ी-मोरड़ी
हिरण-लूँकड़ी-रोझड़ी
फोग-भाँकड़ी-दोबड़ी
नीम-खेजड़ी-बोरड़ी
उजळा धोरा-धोरड़ी
झीणी पून निंदोकड़ी
झूँपा-टपरी-कोटरी
उड़ै घूघरी-गोठरी
भरी धान स्यूँ ओबरी
चरखा कातै डोकरी
चैत रूखाळै चौधरी
बाँध्याँ कंठी दोलड़ी
खाँधै लटकै लोटड़ी
पग में फाटी मोचड़ी
पिणघट बैठी गोरड़ी
करै हथाई दो घड़ी
सासू जबर लड़ोकड़ी
नणदाँ घणी चिटोेकड़ी
देखै माजन चोपड़ी
रिपिया कता रोकड़ी
अै मरूधर रा गांवड़ा
सुरग लजीज बापड़ा !