"प्रेम म्हणजे…"
प्रेम म्हणजे नुसतं शब्दांचं जाळं नाही,
ते असतं नजरेतलं मौन, ओठांवर न आलेलं काही।
ते असतं हातात हात घेत चालणं,
पाऊस झेलत एकत्र भिजणं,
कधी तरी काहीच न बोलता,
फक्त एकमेकांमध्ये हरवून जाणं।
प्रेम म्हणजे भांडणं आणि लगेच जुळवणं,
एकमेकांच्या दुःखात हळूच सामील होणं।
ते नसतं फक्त गुलाबाच्या फुलात,
ते दिसतं डोळ्यांत, छोट्या छोट्या कृतीत।
प्रेम म्हणजे वेळेला थांबवून टाकणं,
क्षणांना आठवणींच्या माळेत गुंफणं।
ते नसतं केवळ हृदयात,
ते असतं प्रत्येक श्वासात।
विशाल कांबळे