ನೂರೊಂದು ನೆನಪು

ನೂರೊಂದು ನೆನಪು

ನೂರೊಂದು ನೆನಪು ಎದೆಯಾಳದಿಂದ

ಬರುತಿಹುದು ದಿನ ನಿತ್ಯ ಆಕಾಶದಿಂದ.

ಮೈಸೂರಿನ ರಸ್ತೆಗಳು ನಡೆಯಲು ಆರಾಮ

ಕಾರು ಸ್ಕೂಟರು ಕಾಣಲು ಅಪರೂಪ.

ಮನೆಗೆ ಹತ್ತಿರವೇ ಶಾಲೆ ಕಾಲೇಜು

ಏನು ತೊಂದರೆ ಇರಲಿಲ್ಲ ಹೋಗಿ ಬರಲು.

ಸ್ನೇಹಿತರೊಂದಿಗೆ ಆಟವಾಡುವೆವು

ಮಾತುಕತೆ ಆಡಿ ಸಮಯ ಕಳೆಯುವೆವು.

ಸಯ್ಯಾಜಿ ರಾವ್ ರಸ್ತೆಯಲ್ಲಿ ಕಾಣಿಸುತ್ತೆ ಜನಸಮೂಹ

ಅಲ್ಲಿನ ದೊಡ್ಡ ಮಾರುಕಟ್ಟೆ ತರಕಾರಿ ಹಣ್ಣು ಹೂವಿಗೆ ಪ್ರಸಿದ್ಧ.

ಅರಮನೆಯ ಭವ್ಯವಾದ ಕಟ್ಟಡ ಶೈಲಿ

ನೋಡಲು ಕಣ್ಣು ಸಾಲದು ಅದರ ಘನಿ.

ಒಳಗೆ ಚಿತ್ರ ಕಲೆ ಆಭರಣಗಳು ಚಿನ್ನದ ಆಸನ

ಸುತ್ತಮುತ್ತ ದೊಡ್ಡ ಮತ್ತು ಚಿಕ್ಕ ಗಡಿಯಾರ.

ಲಕ್ಷಾಂತರ ವಿದ್ಯುತ್ ದೀಪಗಳೂ ಮಿನುಗುತ್ತೆ ಅರಮನೆ ಸುತ್ತ

ಅದಲ್ಲದೆ ಜಂಬೂ ಸವಾರಿ ಮಾರ್ಗ ನೋಡಲು ವೈಭವಯುಕ್ತ.

ಕುದರೆ ಟಾಂಗಾ ಗಾಡಿ ವೈಶಿಷ್ಟ್ಯ ಮೈಸೂರಿನದು

ಅರಮನೆ ಉತ್ತರ ದ್ವಾರದ ಬಳಿ ಸಿಗುವುದು.

ಅಪೂರ್ವ ವೃತ್ತಗಳು ರಾಜರ ಅಮೃತಶಿಲೆ ಪ್ರತಿಮೆಗಳು

ಪುರಾತನ ಕಲ ವಸ್ತು ಸಂಗ್ರಹಾಲಯ ಮೃಗಾಲಯಗಳು.

ವಿಶ್ವವಿಖ್ಯಾತ ಕನ್ನಂಬಾಡಿ ಉದ್ಯಾನ ಅಣೆಕಟ್ಟು

ಚಾಮುಂಡಿ ಬೆಟ್ಟದ ದೇವಸ್ಥಾನ ಮತ್ತಷ್ಟು.

ಲಕ್ಷ್ಮಿ ಪ್ರಭ ರಾಜಕಮಲ್ ಥಿಯೇಟರ್ ಗಳಲ್ಲಿ ಕನ್ನಡ ಸಿನಿಮಾ

ಒಲಂಪಿಯಾ ವುಡ್ಲಾಂಡ್ಸ್ ಇತರೆ ಸ್ಕ್ರೀನ್ ನಲ್ಲಿ ಹಿಂದಿ ಸಿನಿಮಾ

ಗಣೇಶ ಗಾಯತ್ರಿ ಯಲ್ಲಿ ನೋಡಿ ಆನಂದಿಸಿದೆವು

ಇಂಗ್ಲಿಷ್ ಸಿನಿಮಾ.

ಗಂಧ ಬೀಟೆ ಮರದ ಕಲಾಕೃತಿ ಗಂಧದ ಎಣ್ಣೆ ಸಿಲ್ಕ್ ಸೀರೆ ಇವೆಲ್ಲವೂ ಇಲ್ಲಿಯ ಹೆಮ್ಮೆ.

ಹೆಸರಾದ್ಯಂತ ಗುರು ಅಂಗಡಿಯ ಮೈಸೂರು ಪಾಕು

ರಾಜು ಸೆಟ್ ದೋಸೆ ಮೈಲಾರಿ ಮಸಾಲ ದೋಸೆ ತಿನ್ನ ಬೇಕು

ಬಲ್ಲಾಳ್ ವೃತ್ತ ಚುರುಮುರಿ ಅಂದರೆ ಬಾಯಲ್ಲಿ ನೀರು.

ಎಲ್ಲಕ್ಕೂ ಮೀರಿ ಲಕ್ಷ್ಮೀಪುರಮ್ ನಲ್ಲಿದ್ದ ನಮ್ಮ ಮನೆಯು

ಅಲ್ಲಿನ ಸುತ್ತಮುತ್ತ ಜನಾಂಗ ಎಂದಿಗೂ ಮರೆಯದ ನೆನಪು.

ಇನ್ನೂ ಬಹಳಷ್ಟು ಇದೆ ಮೈಸೂರಿನ ಪ್ರಾಮುಖ್ಯತೆ

ಒಡೆಯರ್ ರಾಜರ ಕಾಲದಿಂದ ಬಂದಂತ ಅನನ್ಯತೆ.

ಪದವಿ ಕೆಲಸಕ್ಕಾಗಿ ಊರು ಬಿಡಬೇಕಾಯಿತು

ಆದರೂ ಮೈಸೂರಿನ ನೆನಪು ಬರುತಿಹುದು.

ಬಹು ವರ್ಷಗಳು ದಿಲ್ಲಿಯಲ್ಲಿ ವಾಸ

ನಾವು ಕಂಡೆವು ಉತ್ತರ ಭಾರತದ ಜೀವನ.

ನಿವೃತ್ತಿಯ ನಂತರ ಹಿಂತಿರುಗಿದೆನು ಬೆಂಗಳೂರು

ಪುನಃ ಕಂಡೆನು ದಕ್ಷಿಣ ಭಾರತದ ಬಾಳು.

ಈಗ ಜೀವನದ ರಹಸ್ಯ ಹುಡುಕುತಿಹೆನು

ಮನಶ್ಶಾಂತಿ ಪಡೆಯಲು ಪ್ರಯತ್ನಿಸಿರುವೆನು.

ಪ್ರಾರ್ಥನೆ ಧ್ಯಾನ ಯೋಗ ವ್ಯಾಯಾಮಗಳು

ನನ್ನ ದಿನ ನಿತ್ಯದ ಚಟವಟಿಕೆಗಳು.

ಕಥೆ ಕಾದಂಬರಿ ಕವಿತೆಗಳಲ್ಲೂ ಆಸಕ್ತಿ

ಸಾಮರ್ಥ್ಯಕ್ಕೆ ತಕ್ಕಂತೆ ಬರೆಯುವ ತೃಪ್ತಿ.

ನನ್ನ ಪ್ರಿಯ ಬಂಧು ಬಾಂಧವ್ಯರ ಸಹನೆ

ಪಡೆದಿರುವೆನು ಅದು ನನ್ನ ಊಹಣೆ.

ಸಂದರ್ಭ ಅವಕಾಶ ಸಿಕ್ಕಿದಾಗಲೆಲ್ಲ ಹೋಗಿ ಬರುವೆನು ಮೈಸೂರಿಗೆ

ಈ ನೂರೊಂದು ನೆನಪು ಕೊಡುತ್ತದೆ ಶಾಂತಿ ಮನಸ್ಸಿಗೆ.

- ಗೋಪಿನಾಥ್ S

(ChatGPT ಸಂಪರ್ಕವಿಲ್ಲದೆ ಬರೆಯಲ್ಪಟ್ಟಿದೆ)

(ವ್ಯಾಕರಣದಲ್ಲಿ ಏನಾದರೂ ತಪ್ಪಿದ್ದಲ್ಲಿ ದಯವಿಟ್ಟು ಕ್ಷಮಿಸಿ)