ಜೀವನ ಈಗ ಅತಿ ಸುಂದರ
ಜೀವನ ಈಗ ಅತಿ ಸುಂದರ
ದುಡಿಯುವ ಜವಾಬ್ದಾರಿಯ ನಂತರ
ಬೆಳಗ್ಗೆ ಏಳಲು ಅವಸರವೇನಿಲ್ಲ
ಉಪಾಹಾರ ಮಾಡಲು ತಡವೇನು ಇಲ್ಲ.
ಸ್ನಾನ ಮಾಡಿ ದೇವರ ಪೂಜೆ ಮಾಡುವೆವು
ಧ್ಯಾನಕ್ಕೆ ಕುಳಿತು ಒಳ್ಳೆಯದನ್ನೇ ನೆನಸುವೆವು.
ಏನೇ ಕೆಲಸವೂ ಅವಕಾಶವಾಗಿ ಮಾಡುವೆವು
ತಡವಾಯಿತೆಂದು ಯೋಚನೆ ಇಲ್ಲದಿರುವೆವು.
ಊಟ ತಿಂಡಿ ಸಮಯ ನೋಡಿ ಮಾಡುವೆವು
ಆಗಾಗ್ಯೆ ಕಣ್ಣು ಮುಚ್ಚಿ ಆರಾಮ ಪಡೆಯುವೆವು.
ದೂರವಾಣಿಯಲ್ಲಿ ಆತ್ಮೀಯರೊಂದೆ ಮಾತನಾಡುವೆವು
ದೂರದರ್ಶನದಲ್ಲಿ ಧಾರಾವಾಹಿ ಸಿನಿಮಾ ನೋಡುವೆವು.
ಕರೆಯೋಲೆ ಬಂದ ಕಡೆ ಹಾಜರಾಗುವೆವು
ಆಶೀರ್ವಾದ ಮಾಡಿ ತಿಂದು ಬರುವೆವು.
ದಿನ ನಿತ್ಯ ವ್ಯಾಯಾಮ ಮಾಡುವೆವು
ನಮ್ಮ ದೇಹ ನಾವು ನೋಡಿಕೊಳ್ಳುವೆವು.
ದಿನದ ಪತ್ರಿಕೆ ಓದಿ ದೇಶದ ಸುದ್ದಿ ತಿಳಿಯುವೆವು
ಅಂತರಜಾಲದಲ್ಲಿ ಸಾಮಾಜಿಕ ಸಂವಹನ ಮಾಡುವೆವು.
ನಮ್ಮ ಆಸೆ ತಕ್ಕಂತೆ ಸಂಗೀತ ಕೇಳುವೆವು
ಪುರಸೊತ್ತಾದಾಗ ಕವಿತೆಗಳನ್ನು ಬರೆಯುವವು.
ಕಾದಂಬರಿಗಳನ್ನು ಓದಿ ಸಮಯ ಕಳೆಯುವೆವು
ಸಣ್ಣ ಕಥೆಗಳನ್ನೂ ಬರೆಯಲು ಪ್ರಯತ್ನಿಸುವೆವು.
ಸ್ವಾಸ್ತ್ಯ ತಪ್ಪಿದ್ದಲ್ಲಿ ವೈದ್ಯರನ್ನು ಸಂಪರ್ಕಿಸುವೆವು
ಔಷಧಿಗಳನ್ನು ತಪ್ಪದೆ ತೆಗೆದು ಕೊಳ್ಳುವೆವು.
ಮಕ್ಕಳು ಅವರ ಕುಟುಂಬದಲ್ಲಿ ವ್ಯಸ್ತರಿರುವರು
ನಮ್ಮನ್ನು ಆಗಾಗ್ಯೆ ಬಂದು ನೋಡಿ ಕೊಳ್ಳುವರು.
ದೇವರು ಎಲ್ಲವನ್ನೂ ಕೊಟ್ಟಿರುವರೆ
ಇನ್ನು ಯಾಕೆ ನಮಗೆ ಬೇಕಿಲ್ಲದ ಚಿಂತೆ.
- ಗೋಪಿನಾಥ್ S
(ChatGPT ಸಂಪರ್ಕವಿಲ್ಲದೆ ಬರೆಯಲ್ಪಟ್ಟಿದೆ)