सकाळी लवकर उठणे
सकाळी लवकर उठणे
ध्यान करने, व्यायाम करणे
लवकर लवकर उरकून
सर्वांत आधी कामाला सुरुवात करणे
यश मिळवण्याचं चिरकालिन सूत्र असतं ते
शास्त्र असतं ते
पैसा आणि प्रसिद्धी न बघता
पैसा आणि प्रसिद्धी न बघता
आपल्याला आवडेल तेच काम करणे
जे चांगलं जमतं त्यातच जास्तीत जास्त कुशल होत रहाणे
आपलं पॅशन फॉलो करणे
आणि
आपल्या प्रिय कामात काहीतरी भव्य निर्माण करणे
सुखी आयुष्याचं गमक असतं ते
शास्त्र असतं ते
आपण लावलेल्या रोपट्याची काळजी घेत रहाणे
आपण लावलेल्या रोपट्याची काळजी घेत रहाणे
चांगले खतपाणी घालणे
रोपट्याशेजारील तण शांतपणे बाजूला करणे
आणि
सतत मशागत करून
सतत मशागत करून
ऊन वारा पाऊस झेलून
रोपट्याचा स्वप्नवत कल्पवृक्ष होईपर्यंत झटत रहाणे
आयुष्याचं सोप्पं गणित असतं ते
शास्त्र असतं ते
सतत मेहनत करत रहाणे
सतत मेहनत करत रहाणे
आपल्या क्षेत्रात सर्वश्रेष्ठ देत रहाणे
आपल्यावरील टीकेला कामातुनच उत्तर देणे
आणि
संयम ठेवून फक्त स्वतःमध्येच सुधारणा करत रहाणे
प्रत्येक यशस्वी माणसाचं खरं गुपित असतं ते
शास्त्र असतं ते
थोरामोठ्यांचा सन्मान करणे
थोरामोठ्यांचा सन्मान करणे
वडीलधाऱ्यांचा आदर करणे
त्यांच्या अनुभवाचे बोल ऐकणे
आणि
इतिहासातून शिकत रहाणे
आपल्यासाठी खूपच फायदेशीर असतं ते
शास्त्र असतं ते
कमी बोलणे आणि जास्त ऐकणे
कमी बोलणे आणि जास्त ऐकणे
लोकांचं म्हणणं समजून घेणे
त्यांच्या भावनांची कदर करणे
आणि
लोकांना आपुलकीची साद घालणे
नाती समृध्द करण्याचं लक्षण असतं ते
शास्त्र असतं ते
आपण दिलेला शब्द पाळणे
आपण दिलेला शब्द पाळणे
दिलेली वेळ पाळणे
सर्व कामे वेळेच्या आधीच पूर्ण करणे
आणि
उद्याचा प्लॅन आजच ठरवणे
झटपट प्रगतीचं धोरण असतं ते
शास्त्र असतं ते
संकटांचा धैर्याने सामना करणे
संकटांचा धैर्याने सामना करणे
अडचणींना हसत हसत सामोरे जाणे
प्रत्येक आव्हान पेलणे
आणि
सर्व शक्ती पणाला लावून विजय खेचून आणणे
आयुष्य सार्थक करण्याचं विज्ञान असतं ते
शास्त्र असतं ते