![साँचो - भूपिन ब्याकुल's image](/images/post_og.png)
एउटा साँचो मैले तिमीलाई दिएको छु
म आँफै एउटा बन्द कोठा हुँ
कहिलेकाहीँ
आँफै खोल्न सक्दिन कोठाको ताल्चा
छिर्न सक्दिनँ कोठाभित्र
र छिरिहालें भने पनि
बुझ्न सक्दिनँ कोठाको मौन-ध्वनि
मैले पनि खोल्न नसकेका पानाहरु छन्
पढ
र सच्याउ यो कोठाको नमिलेको ब्याकरण
उडेको छ रङ भित्ताको
त्यसलाई मुटुको रङले सजाउ
Read More! Earn More! Learn More!