कवि नभएको भए - भूपिन ब्याकुल

कबि नभएको भए

मैले उहिल्यै आत्महत्या गरिसकेको हुने थिएँ

वा पागलपनका अन्तिम सीमानाहरुमा

ईश्वरलाई गीत सुनाइरहेको हुने थिएँ !

प्रिय भावकहरु

तपाईंहरुझैं आम मान्छे बन्नलाई

मैले दुबै बाटाहरु त्यागिदिएँ

कबि नभएको भए

मेरो आत्माको एउटा बन्द ढोका

जीवनभरी कहिल्यै खुल्ने थिएन

मेरो आँखा हजारौं सपनाहरु जेल बस्ने

पागलखाना बन्ने थियो

मेरो हृदयमा प्रेमको धून यसरि बज्ने थिएन

मेरो खुट्टामा यात्राको यति लामो नदि बग्ने थिएन

म जीवनको क्रुरतासंग पराजित भएर

क्रुरतालाई प्रेममा बदल्न असमर्थ हुने थिएँ

म समयको हमालसँग भयभित भएर