मैं तो पहाड़ हूँ (Tribute to Green Poems by Gulzar Saab)
Main toh pahad hun pahad
Meri kaaya tumhare kad se kayi guna unchii hai
Par akad tumhare guroor se bhut jyada choti,
na hota main gar, toh kabka jhulas gye hote tum
Meri fitrat tak ka tum kabhi shukriya nhi krte
Shayad isiliye tum logo ke kad itne chote reh jate hain..
Rakh mere seene pe payr, fauran sar chad jate ho
samajh mujhe bejaan patthar, bas manmaani kar jate ho
Par mujhe jarurat ke waqt mei bhi kandha tk nhi de paate,
Khud tmhare rishte apas mei, kahin jyada bhari ho jate hain,
Shayad isiliye tumlogo ke kad itne chote reh jate hain
Main pahad hun, mere agosh mei beti nadi meri
Bekhauf musalsal behti hai, azaad bhi hai aur mehfooz bhi
Par tmhari aulaaden toh tmhari zid ki concrete mei jam jate hain,
Bas bada aadmi banne mei, insaan ban na reh jate hain.
Shayad isiliye tumlogo ke kad itne chote reh jate hain
Yun toh shaauk se mere ghar, sukoon talaashne aajate ho
tum apni aadat se majboor, mujhe Banjar, badsoorat kr jate ho
Par kyun kisi ko ghar mei apne, 2 din seh nhi skte tum
Usse 4 gaz chota hi sahi, par ghar mei reh nhi skte tum
Shayad isiliye tumlogo ke kad itne chote reh jate hain
Khud mehfil mei bhi tanha rehte ho, aur mujhe akela kehte ho
zara gaur se jhaankon ;
mere badan se jyada patthar, toh tmhare dilon mei kaid hain
mere dhulakte pattharon se to nadiyan bas muda hi krti hain
tmhare dil ke patthar, toh ghar, phar bhar mei ujaad jate hain
Shayad isiliye tumlogo ke kad itne chote reh jate hain.
Tmhari bas hasrate badi hain, aur mera yeh dil
tabhi baadal, mausam aur tum sab
kayi kayi dino mere paas ruk jaya karte ho,
par chote hain tmhare rishte aur choti hain tmhari harkate
Shayad isiliye tumlogo ke kad itne chote reh jate hain.
Shayad isiliye tumlogo ke kad itne chote reh jate hain.
~ प्रशान्त 'बेबार'