ਦੁਨੀਆ ਦੀ ਪਰਵਾਹ ਵੀ ਹੈ
ਪਰ ਚਲ ਰਹੇ ਹਾਂ ਨਾਲ ਨਾਲ
ਰੌਸੇ ਗਿਲੇ,ਸ਼ਿਕਵੇ ਵੀ ਹਨ
ਪਰ ਪਿਆਰ ਵੀ ਹੈ ਨਾਲ ਨਾਲ
ਮੁੱਰਬਿਆਂ ਤੋਂ ਚਲੀ ਸੀ ਗੱਲ
ਅੱਜ ਹੈ ਬਚੀ ਬਿਘੇ ਕਨਾਲ
ਗੂਗਲ 'ਤੇ ਵੀ ਨਾ ਮਿਲਿਆ ਉੱਤਰ
ਜ਼ਿੰਦਗੀ ਨੇ ਪਾਏ ਜਦ ਟੇਢੇ ਸਵਾਲ
ਸੋਚਿਆ ਸੀ ਇਸ਼ਕ ਹੈ ਖੂਬਸੂਰਤ ਸ਼ੈ
ਇਸ਼ਕ ਕਰਕੇ ਅਸਾਂ ਹੋਏ ਹਾਲੋਂ ਬੇਹਾਲ
ਤੂੰ ਤਲਵਾਰ ਬਣਕੇ ਖੁੱਭ ਜਾ ਸ਼ੀਨੇ ਮੇਰੇ
ਸੱਚੀਂ ਮੈਂ ਵਰਤਣੀ ਨਾ ਕੋਈ ਢਾਲ
ਉਹਦਾ ਰੁੱਸਣਾ ਹੱਸਣਾ ਵੇਖਣਾ ਚੁੱਪ ਹੋਣਾ
ਮਾਰ ਸੁੱਟਦਾ ਹੈ ਉਹ ਜ਼ਾਲਿਮ ਕਮਾਲ
ਮਿਲੀ ਨਾ ਕਦੇ ਸਾਨੂੰ ਵਸ਼ਲ ਦੀ ਘੜੀ
ਲਾਰਿਆਂ 'ਚ ਬੀਤੇ ਔਜਲੇ ਕਈ ਸਾਲ