સાથ થોડો આપ તો ફાવી શકું,
આસનો દેવોનાં ડોલાવી શકું .
સ્વર્ગનાં,જો, દ્વાર ખોલાવી શકું,
દ્વારે તારું નામ કોરાવી શકું.
છંદ વિશે તો અનાડી છું,સખા,
તું કહે તો ગીત ગવડાવી શકું.
તું જવાની જીદ છોડી દે,સખા,
શ્વાસ બીજા હું નહીં લાવી શકું.
કાલનો તો વાયદો શું કામનો ?
હાલ તું બોલાવ,તો આવી શકું .
સાંભળી લે વાત મારી આંખની,
હાક મારી કેમ બોલાવી શકું?
એક પલ્લે મૂકી તારા પ્રેમને,
બીજા પલ્લે શ્વાસ તોલાવી શકું.
-રશ્મિ અગ્નિહોત્રી