હું, તમે ને વરસતો આ વરસાદ છે,

સાંજ આજે ખુદા કેરી સોગાદ છે.


નૈન મળતાં રહ્યાં, જામ છલકી રહ્યા,

*સાંભળો મૌનમાં એક સંવાદ છે.*


બે જણા વ્હાલમાં કેવું વરસી રહ્યા ,

ના કોઈ રંજ છે ના તો ફરિયાદ છે.


ફૂલ ગાલો મહીં આજ મલકી રહ્યા,

આખરે જિંદગી આજ નૌશાદ છે.


આંખમાં આંખ ને હાથમાં હાથ લૈ, 

આયખું એકબીજાથી આબાદ છે .


ચાલ સાથી સફર નાચતાં ઝૂમતાં,

આવતો આજ મંઝિલનો સાદ છે..


જાણે સૌની દુવા એક સાથે ફળી,

ના કોઈ વાદ છે, ના તો વિષાદ છે. 


સાથ તારો સદા આવો મળતો રહે, 

એક નહીં સાત ભવની આ મુરાદ છે.


-રશ્મિ અગ્નિહોત્રી