સાવ શીતળ છાંયડો થઈ આયખે તે એક ક્ષણ,
આપણે અગ્નિપરીક્ષા આપી'તી જે એક ક્ષણ.
જિંદગીનો દોર નહિતર હાથથી છૂટી જતે,
તેં લગાવી ગાંઠ પાકી, યાદ છે એ એક ક્ષણ.
ચાહે કે સૌ યાદ રાખે સો સદી સુધી તને ,
યાદ રાખી તું સમયસર સાચવી લે એક ક્ષણ.
એ પછી તો કામ તારાં થઈ જશે આસાન સૌ,
લેતાં નિર્ણય જો નિરાંતે જાળવી લે એક ક્ષણ.
એક બસ લાગી લગન કે હો પરમ સાથે મિલન,
કાશ આવે આ જ ભવમાં શિવ થઈને એક ક્ષણ.
~ રશ્મિ અગ્નિહોત્રી
૩૧/૦૧/૨૦૨૫
#god #existence #time #moment #love #decision