प्रेम हे देवाघरचे देणे
प्रेम सौभाग्याचे लेणे
प्रेम परस्पराशी एकरूप होणे
प्रेम म्हणजे समजून घेणे
प्रेम एक जिवंत संवेदना
प्रेम हळुवार नाजूक भावना
प्रेम म्हणजे भावनांचा कल्लोळ
प्रेम म्हणजे आकर्षणाचं मोहोळ
प्रेम म्हणजे परस्परांशी असलेली ओढ
प्रेम म्हणजे लीलया राधेशाम गोड
प्रेम मेंदूची कधीच न मोडणारी खोड
प्रेम चिरंतन ,शाश्वत भावना अजोड
प्रेम म्हणजे माया ,वात्सल्य
प्रेम म्हणजे स्वागत सुहास्य
प्रेम म्हणजे सुगंधाची दरवळ
प्रेम हेच जीवन ,सुखाची हिरवळ
प्रेम म्हणजे निस्वार्थ नाते
प्रेम ऋणानुबंध जन्मांतरीचे
प्रेम म्हणजे सुरेल गीत प्यारे
प्रेम हेच जीवनगाणे ...