तुझ्यासाठी मी निरर्थक टिंब - टिंब
गतकाळातील केवळ एक आठवण
माझ्यासाठी तू अनाकलनीय टिंब - टिंब
नसून खोळंबा अन असूनही अडचण
तू आहेस माझ्यासाठी टिंब - टिंब
सत्याचे पाण्यात स्वच्छ नितळ प्रतिबिंब
तुजविना अस्तित्व माझे टिंब - टिंब
तूच माझा शेवट अन तूच आरंभ
तू नाहीस समीप तरी टिंब - टिंब
सहवास ,आठवण भास सहकुटुंब
भरून काढतेस तू जागा टिंब - टिंब
अंत्य मध्य अन तूच माझा आरंभ
जीवन म्हणजे असंख्य टिंब - टिंब
त्यातील तू एक सल अभिन्न अंग
तू माझ्यासाठी अर्थहीन टिंब - टिंब
दिशाहीन भ्रमिष्टासारखा जणू तो प्रवास
प्रेम- विरह, आशा -निराशा टिंब - टिंब
पुरून उरणारा तू जणू अमृतकुंभ