देवा आधी तुला मानतो कारण ...
देव असतो कमरेवरु हात ठेवून तटस्थ
तू घरी -दारी अंगणातही राबतेस रात्रंदिनी
तो भासतो कधी कपोलकल्पित तू त्यूहूनि वेगळी
देवा आधी तुला मानतो कारण ...
तो परीक्षा पाहतो म्हणतात भक्तांची
तू जळतेस वात बनून कुटुंबासाठी
मायेची माउली संचाची सावली अमुची
देवा आधी तुला मानतो कारण ...
तू असतेस छत्रछाया माझ्यासाठी
तो पावतो न पावतो देव जाणे
तू मात्र सदैव तत्पर प्रेमापोटी
देवा आधी तुला मानतो कारण ...
तू असतेस घराचं घरपणं सर्वार्थाने
देव देव्हाऱ्यात , तू मनाच्या गाभाऱ्यात
देवाहुनि तू न्यारी माऊली खऱ्या अर्थाने
देवा आधी तुला मानतो कारण ...
तू निस्वार्थी प्रेमाची फलश्रुती
देवास नैवद्य दाखवावा तरीही
देवाप्रती आदरयुक्त भीती ...
देवा आधी तुला मानतो कारण ...
तू त्याग समर्पणाची साक्षात मुर्ती
देव शिक्षा करतो ,अवतार घेतो
कुणाला शाप देतो ,कुणावर प्रसन्न