हा खेळ सावल्यांचा
हा मेळ बावळ्यांचा
मन कृतार्थ त्यांचे
मायावी जग दावल्याचा
हा खेळ सावल्यांचा
हा खेळ बाहुल्यांचा
मन प्रसन्न त्यांचे
अमृत काळ दावल्याचा
हा खेळ सावल्यांचा
इशाऱ्यावर नाचणाऱ्या
माकडांचा अन त्या
दरवेशी रायरंदाचा
हा खेळ सावल्यांचा
भास हा केवळ स्वप्नाचा
इथे कुणास वेळ वास्तव
काय, विस्तव शोधण्याचा
हा खेळ सावल्यांचा
बोलक्या बाहुल्याचा
सडकछाप गुंडाचा
जात्यंध माकडांचा
हा खेळ सावल्यांचा
केवळ खेळ आकड्यांचा
हा वेष गुलामांचा अन
स्वाथी पोटभरू मतलब्यांचा
हा खेळ असण्या-नसण्याचा
भास सुकर जगण्याचा
जीव जातो सज्जन , साव
तुमचा आमचा सर्वांचा ...